شباب في عصر مبارك
يارب إنت القوي والعدل فيك معروف
أنا جيبي داب واشتكى من قلة المصروف
وقميصي تـاه منظره
وديته للمكوجي أعد يقلب فيه
قالي واجب عليك يامحترم في الزبالة ترميه
والجزمة داب نعلها ... حتي اللسان مقطوع
وكل مين يشوفها يعمل حكاية وموضوع
ياناس ياهوو نفسي أمسك موبيل وأقول ألووو
وأكل لحمة وفراخ وأحلي بالجاتوه
أعد علي البلاج والبس المايوه
واطلع علي كوبري ستانلي
وأقول للحلوة استني
دا انا منك وأنتي مني
مصري وبحب أعيشها
وعايشها علي أدي
أكل اللقمة ولو مين طلبها أدي
مفكرش في نفسي
رزقي ورزقك علي ربي
وأصحي من الصبحية
عيال كتير وصنايعية
علي شغلهم رايحين وانا يعيني عليا
ملاقي فرص عمل
ولا حتي قرص طعميه
انده لميمو وعدلي وبقيت شلتنا الغبية
اقولهم يلا الشيشة علي القهوة مستنية
واعد عل القهوة انا وصحابي مستنين
كام أغنيه علي كام فيلم قديم
وشويه اغاني من بتوع شيرين
ويجيلك الفاصل اللعين
ويطلعلك وزير من حارة الساقيين
يقولك في كام فرصة عمل للشباب الخريجين
واللي يقدم هيبقي في السليم
دا شغل جامد وبيقولوا عليه متين
وهنعمل ايه نقول أمين
ونروح نقدم يقولنا جيتوا متأخرين
ونبص علي اللي في جيوبنا
نلاقي شويه ملاليم
يدوبك تشتري كونو وشوية بلالين
احنا الشباب الارفانين
علي الفقر متربيين
احنا الشباب الضايعين
مستنين فرصة عمل
ولو في كفر التبين
منك لله يامبارك
يامعقد جيل التمانين
ياللي خلتنا
نمشي واحنا حافيين
خده يارب
متقول أمين
هناك تعليق واحد:
2007
?????????
قرات تعليقا لحضرتك فى احدى المدونات وكان يحمل بين طياته فنان مبدع
وما ان دخلت مدونتك
حتى صعقت انك لم تتدون منذ 2007
لعل المانع خيرا
لاحرمناالله من قلمك
إرسال تعليق